အချိန်မရေရာတဲ့
ရထားတစ်စင်းကို
သမုဒယနဲ့ထိန်းချုပ်ရသူ
ကိုယ်ဟာ ဂတ်ဘိုတွဲက
ဂတ်ဘိုတစ်ယောက်
ကွင်းလယ်ဘောလုံးဒိုင်လို
အနီကတ် အဝါကတ်တွေ
မပိုင်ဆိုင်ပေမယ့်
အချစ်ကိုရပ်တန်ဖို့
ကိုယ်မှာ အလံနီနဲ့
အလံစိမ်းကို ပိုင်ဆိုင်တယ်။
ကောင်မလေးရေ..............
ကိုယ်ရင်ခုန်သံ တစ်ခုလုံး
ခုတ်မောင်းဆဲ
ရထားတွဲပေါ်က အိမ်သာလို
အပေါက်နဲ့တည့်အောင်
ထိုင်ဖို့ဆိုတာ
မငြိမ်သက်လှဘူး။
အချစ်ကိုတည့်အောင်ထိုင်ဖို့
မင်းရဲ့ကြားဘူတာလေးမှာ
အလံနီပြပြီး
ရပ်တန့်နိုင်ပေမယ့်
ရထားဟာ
ကားမဟုတ်လေတော့
ကြာကြာမရပ်နိုင်တဲ့ အဆုံး
ဝုန်း ခနဲခွဲခွာရတဲ့အခါ
ဘူတာလေးမှာ
ငါ............................
အလံချိုးခဲ့ရတယ်ကွယ်
No comments:
Post a Comment